فتاة تسأل: أيهما أنجح، الزواج عن حب أم التقليدي؟

موقع بانيت وصحيفة بانوراما

2015-10-29 12:24:40 - اخر تحديث: 2019-10-11 07:20:46

السلام عليكم اخواني الكرام، حابة اليوم اشارك بموضوع مهم ومصيري وبنفس الوقت غيبي، ما حد بيعرف شو رح يصير معه بعد هذا الموضوع الا الله سبحانه وتعالى،


صورة للتوضيح فقط - تصوير iStock-Deagreez 

هو وحده يعلم بالغيب .. الزواج هو سنة من سنن الحياة وانا بشبهه للموت، والموت كذلك هو سنة من سنن الحياة الاغلب بيتزوج والكل بيموت ! اليوم ما بنقدر نحسد حدا ميت ونقرر اذا هو خير ام شر " مات والله وهو صغير بيجوز احسن ما يموت كبير والخ ... " تساؤلات غيبية وحرام نخبص فيها ! وما في عودة للحياة بعد الموت وكذلك الزواج ما بتقدر تحكم اذا هو شر ام خير الا بعد ما نجربه وبعد ما نجرب ما في عودة بالمرة .. وصار اليوم موضوع حساس اكثر من اي شي ثاني والكل بياخذ احتياطات وتوقعات وبنتنبأ اذا رح ينبسط او لا ..
الحين حابة اتعمق كثير اليوم في ناس ابتتزوج ع حب وناس تقليدي كل واحد شو قلبه وعقله بيقولوا له, الناس اللي حابة تتزوج ع حب مو غلط لان من حب صار بالحلال شي ممتاز في الحياة واجدع شب بيسويها لانه حابب البنت تكون مرته المستقبلية وما يظلم وحدة ثانية معه وكل الاحترام لهيك شباب .. بس للاسف الاهل والناس بتقول اذا اتزوج ع حب بكرا رح يعمل فيها هيك وهيك ما رح تتهنا والخ تتزوج من حد ما ابتعرفوا احسنلها يعني تقليدي .. في ناس بتقول نيالهم رح يعيشوا احلى حياة وع حب..

ماشي .. الحين الناس اللي بتتزوج تقليدي في ناس بتقول ييي مش رح تقدر تتاقلم معاه شي غريب وجديد في بيتك كيف تتعود عليه ممكن ما يفهمك ولا تفهميه يعني خذ على حب احسن الطرفين عارفين بعض منيح وكل الجوانب السلبية والايجابية انت شفتها من قبل احسن من انك تكتشف اشياء جديدة في انسان ما بتعرفوا من قبل في بيتك ويمكن ما تحبها فيه والخ .. وبعد الزواج ما في الا الطلاق ! وفي ناس بتقول لا خذ تقليدي احسن من حب ..
وانا باقول صرنا نهتم شو الناس بتقول وكلام الناس وما بنخاف من كلام رب الناس زواج تقليدي ام حب كله في الاخير تحت اطار زواج وما اختلفنا وما بنعرف ربنا شو كاتب النا اذا اتزوجت حبيبي اتندم واقول يا ريت اتزوجت واحد ما بعرفه، واذا اتزوجت واحد ما بعرفه اشتاق لحبيبي واخون زوجي يا جماعة لا حد يوصل لهالمواصيل ونظلم ناس معنا وبنفس الوقت صرنا نستغل الخطبات اليوم للكلام الفاضي لو كانت حبيبتك او انسانة ما بتعرفها استغلوا الخطبة للتعارف اكثر يا امة محمد !
والله يوفق الجميع .. وع كلا يهني التقليدي وع حب!!

تواجهون في حياتكم مشكلة اسرية ، زوجية ، عاطفية ، اجتماعية او غيرها ؟ تبحثون عن حل ؟ حائرون وبحاجة الى مساعدة ؟ .. يمكنكم ان تطرحوا مشكلتكم ليشارككم في حلها متصفحو موقع بانيت ، من خلال هذه الزاوية - " قلوب حائرة " .كل ما عليكم ان تفعلوه هو ان تبعثوا بمشكلتكم الى العنوان التالي :[email protected] .

لمزيد من مشاكل وقلوب حائرة اضغط هنا

“{{shareData.title}}”
جارى التحميل